قلت القنا قالوا ترانا العقيقه
وقلنا هميله قالو اهل التراحيب
وان زودوا في المدح قلنا خليده
مع شروق الشمس زادت لنا طيب
الله على الزرقا ولوهي بعيده
هي منبت الحكمه وهي للغدا ذيب
والله عى ذيك الروابي العتيده
من راس الأروح لين روس المشاريب
ان قلت ولد الهيس قولوا حقيقه
الهيس منبت عز واهل المناصيب
مافاخروا باموال قالوا زهيده
الدين فخر اليوم وامس المناقيب
تاريخنا يشفع وقالوا اكيده
ايام كان الحق طول المشاعيب
ايام كنا في العلوم القديمه
كانو رجال الهيس للعوج تطبيب
واليوم شامه وسط خد القبيله
الدين رمز الدار دونه مطاليب